in , , ,

Messi bora zaidi Ulaya

 

Mchezaji wa Barcelona na Timu ya Taifa ya Argentina, Lionel Messi ametajwa kuwa mchezaji bora wa Ulaya.

 

Messi ameibuka katika nafasi hiyo baada ya kumzidi mchezaji bora wa dunia anayemaliza muda wake, Cristiano Ronaldo wa Real Madrid na Ureno na Luis Suarez ambaye Messi alishirikiana naye vyema Barcelona msimu uliopita. Suarez ni mshambuliaji wa kimataifa wa Uruguay.

 

Kura ya kutafuta mchezaji bora wa Ulaya iliendeshwa mubashara na wanahabari Alhamisi hii ikijumuisha nchi zilizo katika Shirikisho la Soka la Ulaya (Uefa). Messi amepata kuwa mchezaji bora wa dunia mara nne, ambapo yeye na Ronaldo wanafungana kwa idadi ya mabao 77 katika UCL.

 

Messi alifunga mabao 58 na kusaidia mengine 31 katika kuwawezesha Barca kutwaa ubingwa wa La Liga, Kombe la Mfalme (Copa del Rey) na Ubingwa wa Ulaya. Ronaldo na Real Madrid walipata kigugumizi msimu uliopita na klabu wakamfukuza kocha Carlo Ancelotti na kumwajiri Rafa Benitez aliyeanza kwa sare na timu iliyopanda daraja msimu huu.

 

Suarez ndiye alifunga bao muhimu katika ushindi wao wa 3-1 dhidi ya Juventus kwenye fainali ya UCL na alifanikiwa kufika kwenye tatu bora licha ya kwamba alianza kucheza ligi akiwa amechelewa – Oktoba – kutokana na adhabu ya kufungiwa aliyopewa baada ya kumng’ata Giorgio Chiellini katika mechi ya Kombe la Dunia baina ya Uruguay na Italia mwaka jana.

 

Messi ndiye mshindi wa kwanza kutwaa tuzo hii mara mbili, baada ya kuwa ameitwaa ilipozinduliwa msimu wa 2010/11. Ronaldo ndiye aliyeitwaa msimu uliopita kabla ya kusonga mbele kutwaa ile ya mwanasoka bora duniani.

advertisement
Advertisement

Tottenham Hotspur

Report

Written by Israel Saria

For the last 20 years I have been working as a football pundit. This experience has provided me with a very useful insight into football and the opportunity to carry out extensive research into the game including its players, the stadiums, the rules and tactics and I have also been grateful to meet a wide range of people connected to football in the UK, Tanzania, Germany .....

What do you think?

Comments

Leave a Reply

Your email address will not be published.

Loading…

0

LIGI YA MABINGWA ULAYA:

Bolt bingwa wa kweli