Israel Saria
*Arsenal wawanyuka Marseile kwao
Ligi ya Mabingwa wa Ulaya imeshuhudia Chelsea ya Jose Mourinho wakiangukia pua katika uwanja wa nyumbani wakati Arsenal wakishinda ugenini.
Chelsea walioanza kuongoza kwa bao la Oscar katika dakika ya 45 walipunguzwa kasi kabisa kipindi cha pili na Basel ya Uswisi kwa kupachikwa mabao mawili yaliyoonekana kumvunja moyo Mourinho.
Mohamed Salah ndiye alisawazisha bao kipindi cha pili kwa kufyatua shuti kali lililomshinda kipa Petr Cech, kabla ya Marco Streller kuweka kimiani bao la ushindi kwa kichwa safi.
Mourinho aliondoka haraka haraka uwanjani baada ya kipenga cha mwisho, huku mmiliki wa Chelsea, Roman Abramovich akionekana kwenye eneo lake analotazamia akiwa hana raha.
Kwa upande wa Arsenal, kiungo wao Aaron Ramsey aliendeleza umahiri wake mchezoni msimu huu kwa kufunga bao sambamba na Theo Walcott walipotoka mbele kwa mabao 2-1 dhidi ya Marseile.
Huu ni ushindi wa jumla wa 10 ugenini kwa Arsenal. Ramsey alifunga akiwa umbali wa yadi 16 kutokana na pasi ya Kieran Gibbs, na hili ni bao lake la sita katika msimu huu.
Katikati ya kipindi cha pili Walcott alifunga bao zuri, huku Arsenal wakianza kuudhibiti mchezo baada ya kuwapo kashikashi kadhaa dhidi yao mwanzoni.
Penalti ya dakika ya 90 iliyofungwa na Jordan Ayew iliwafutia machozi. Arsenal wameshinda mechi ya sita mfululizo tangu walipopoteza ile ya ufunguzi wa Ligi Kuu ya England dhidi ya Aston Villa.
Katika metokeo mengine, Barcelona waliwafunga Ajax 4-0, Ac Milan wakawapiga Celtic 2-0 wakati Atletico Madrid walifungwa nyumbani na Zenit St P’sbg 3-1.
Aust Vienna wasifungwa nyumbani kwao na Porto bao 1-0, Napoli wakawapiga Borussia Dortmund 2-1 huku Schalke 04 wakawakung’ura Steua Bucharest 3-0.
Jana Manchester United walipata ushindi wa mabao 4-2 dhidi ya Bayer Leverkusen.
Comments
Loading…